今晚又食呢味！真係我百吃不厭的家常菜！怕你地睇到厭，我唔寫譜住，真係有新朋友問到先貼啦！失禮曬，我就係咁簡單，食都簡單過人!
香蒜芫茜白酒沙白炒意粉
材料:(兩至四人份)
1。沙白: 兩斤！用其它蜆都可以，但相信沙白的海水味最重，不用落鹽的！其它要試試味道！
2。蒜頭：半個切成蓉
3。芫茜: 3-4蚊！莖跟葉分開切！莖會跟蒜蓉一起落鑊爆先！
4。辣椒：1—2隻，切碎！個人口味可以不落！落更惹味！
5。白酒：約200ml，碗半左右！
6。扁意粉：半包！
做法:
1。意粉預先用油鹽出水
2。大火燒熱油，約3湯匙！落蒜蓉，芫茜莖，辣椒快炒至微黃色！
3。落沙白炒匀，下白酒，上蓋！
4。沙白開口後落意粉及芫茜炒匀食得！
Search